Están esgotadas as entradas para o partido en ABANCA-RIAZOR do próximo domingo 24 de novembro ás 16:15 ante o Sporting de Gijón.
Só quedarían dispoñibles tanto para os abonados e abonadas como para o público entradas soltas en bancada.es e na Oficina de Atención ao Deportivismo (OAD) en función da opción que teñen os abonados e abonadas para liberar os seus asentos, en caso de non poder acudir a ABANCA-RIAZOR, nesta ligazón.
O horario da OAD hoxe xoves e o venres é de 10:00 a 13:30 e de 16:30 a 19:00 horas.
Xa que o encontro ante o Sporting de Gijón foi declarado de alto risco pola Comisión Estatal contra a Violencia, o Racismo, a Xenofobia e a Intolerancia no Deporte non se venderán entradas o mesmo día do partido nos despachos de billetes do Palacio dos Deportes de Riazor, que abrirán ás 14:15 só para atender incidencias de abonados e abonadas.
