Os canteiráns Alejandro José Martínez Delgado 'Álex Delgado' (na foto da noticia, Caracas, Venezuela, 28 de febreiro de 2005) e David Domínguez Martínez (Cambre, 25 de xuño de 2005) xogarán esta temporada cedidos no Betanzos CF de Tercera Federación en busca de acumular minutos e protagonismo no seu primeiro ano sénior.
Ambos os futbolistas seguen os pasos de Quique Teijo, que a campaña pasada militou no equipo brigantino após a súa lesión de xeonllo para volver este ano ao filial en Segunda Federación.
O Club busca con ambos os futbolistas que poidan seguir a súa progresión e crecemento; e, por conseguinte, dean un paso adiante na súa formación como futbolistas.