Despois dunha xanela de convocatorias internacionais para Mella, Kevin, Iano Simão e José Rey, #ANOSACANTEIRA encara unha nova fin de semana de liga, aos que se unen os dous equipos infantís da División de Honra e o Orzán SD Xuvenil Femenino en Primera Autonómica.
Mañá sábado dispútanse un total de 5 partidos, entre os que destaca a visita do Deportivo ABANCA B ao Umia CF (17:30).
O filial feminino liquidou con triunfo ante o Victoria FC a pasada fin de semana o seu inicio de liga en Tercera Federación FutFem.
Óscar Orro, técnico deportivista, citou ás seguintes xogadoras: Martina Rivas, Uxía López, María Calvo, Celia Sousa, Antía Brage, Carmen Carballada, Laura Testa, Sara Cercido, Laura Otero, Elena López 'Cusi', Noela, Macarena González e Lucía Rivas; ademais de Uxía Rabuñal, Iria Otero, Noelia Mayo e Laura Santos, xuvenís do Orzán SD; e de Emma Gandoy, cadete do Orzán SD.
Tamén mañá inician a liga o Infantil (ás 12:00 en Lugo) e o San Tirso SD Infantil (ás 10:00 en Conxo).
Completan a xornada do sábado o Cadete en Abegondo ante o Coruxo FC (12:00) e o Xuvenil B en Porriño (18:00).
O domingo, a Fabril visita ao Mariño de Luanco ás 17:00 no campo de Miramar. Os fabrilistas chegan ao partido co resaibo amargo da derrota da pasada fin de semana en Abegondo ante o Rayo Cantabria.
O equipo recupera a Iano Simão despois do seu paso pola selección de Guinea-Bisáu para o seu partido de clasificación da Copa de África ante Sierra Leona.
Iso si, é baixa segura a meta Hugo Ríos, que se viu obrigado a pedir o cambio o pasado domingo por unha fractura no esternón.
En canto ao resto de categorías, co inicio de liga tamén para o Orzán SD Xuvenil Femenino en Primera Autonómica (ás 12:00 na Torre ante o Umia CF B), #ONOSODERBI xuvenil na División de Honra, ás 12:00 en Barreiro, será o partido destacado.
Os pupilos de Manuel Pablo encaran este choque despois do tropezo (3-4) en Abegondo ante unha efectiva SD Compostela. Fronte a fronte estarán en Vigo os dous grandes favoritos ao título.
Tamén o domingo o San Tirso SD Cadete mídese na Coruña ao Victoria CF (12:00, San Pedro de Visma) na 2ª xornada da División de Honra.
Finalmente continúan en pretemporada os dous equipos alevíns, que disputan a II edición da Copa Deputación da Coruña en Sigüeiro (Oroso); e os dous benjamines, con torneo en Arcade.
O calendario de partidos é o seguinte:
Categoría feminina
Tercera Federación Futfem, 2ª xornada: UMIA CF - DEPORTIVO ABANCA B, mañá sábado 16 de setembro ás 17:30 na Bouza (Barrantes, Ribadumia)
Primera División Autonómica, 1ª xornada: ORZÁN SD XUVENIL FEMENINO - UMIA CF B, o domingo 17 de setembro ás 12:00 na Torre (campo 1)
Segunda Federación
3ª xornada: MARINO DE LUANCO - FABRIL, o domingo 17 de setembro ás 17:00 no campo de Miramar (Luanco)
Categoría xuvenil
División de Honra, 3ª xornada: RC CELTA - XUVENIL A, o domingo 17 de setembro ás 12:00 en Barreiro (Vigo)
Liga Nacional, 2ª xornada: PORRIÑO INDUSTRIAL FC - XUVENIL B, mañá sábado 16 de setembro ás 18:00 no Lourambal 2 (Porriño)
Categoría cadete
División de Honra, 2ª xornada: CADETE - CORUXO FC, mañá sábado 16 de setembro ás 12:00 en Abegondo
División de Honra, 2ª xornada: VICTORIA CF - SAN TIRSO SD CADETE, o domingo 17 de setembro ás 12:00 en San Pedro de Visma (campo 1)
Categoría infantil
División de Honra, 1ª xornada: CD LUGO - INFANTIL, mañá sábado 16 de setembro ás 12:00 no Municipal Rodríguez Lago 1 (Lugo)
División de Honra, 1ª xornada: CD CONXO SANTIAGO - SAN TIRSO SD INFANTIL, mañá sábado 16 de setembro ás 10:00 no campo da Merced (Conxo, Santiago)
Categoría alevín
II Torneo Deputación da Coruña, no campo Lino Balado (Sigüeiro, Oroso)
Sábado 16 de setembro
Primeira Fase
10:00: ALEVÍN A - RACING SAN LORENZO (campo 2)
13:20: ALEVÍN A - EF CONCELLO DE CARNOTA (campo 2)
16:40: ALEVÍN A - EUME DEPORTIVO (campo 2)
Os dous primeiros de grupo pasan a unha Segunda Fase, que arrinca o domingo 17 ás 10:00 horas
II Torneo Deputación da Coruña, no campo Lino Balado (Sigüeiro, Oroso)
Sábado 16 de setembro
Primeira Fase
10:25: FABRIL FC ALEVÍN - PORTO DO SON CF (campo 1)
13:45: FABRIL FC ALEVÍN - SD ESTEIRANA (campo 1)
17:05: FABRIL FC ALEVÍN - ED XUVENTUDE DE OROSO (campo 1)
Os dous primeiros de grupo pasan a unha Segunda Fase, que arrinca o domingo 17 ás 10:00 horas
Categoría benjamín
Trofeo Concello de Arcade, no campo do Salgueirón (Soutomaior)
Sábado 16 de setembro
Primeira Fase
10:30: BENXAMÍN A - AD VILA DE CORPUS (Campo 1)
12:30: BENXAMÍN A - CD CHOCO (campo 1)
15:00: BENXAMÍN A - ALONDRAS CF (campo 1)
Os dous primeiros de grupo pasan a cuartos de final e o resto xogará unha Fase de Consolación
Trofeo Concello de Arcade, en campo do Salgueirón (Soutomaior)
Sábado 16 de setembro
Primeira Fase
11:30: FABRIL FC BENXAMÍN - CD AREOSA
13:30: FABRIL FC BENXAMÍN - AROSA SC
16:00: FABRIL FC BENXAMÍN - EF DENIS SUAREZ
Os dous primeiros de grupo pasan a cuartos de final e o resto xogará unha Fase de Consolación