Conca: Imos dar o mellor de nós, todo o que estea no noso poder
Isaac Cuenca manifestó esta mañana en rolda de prensa en Abegondo que non ten unha espiña cravada por enfrontarse ao seu ex equipo, o Barça: "Ao revés. Estou moi agradecido. Formáronme como futbolista e como persoa".
O atacante branquiazul recoñece que o Deportivo "volveu ben despois das vacacións. Volveu fresco. Os dous últimos partidos encadeamos dous bos partidos, con bo xogo e catro puntos de seis ante rivais directos, que sempre é bo puntuar".
Iso si, advirte que "todos os demais equipos están a mellorar. Supúñase que ao principio ía custar porque todo o mundo tense que adaptar á Primeira División, tense que adaptar ás novas fichaxes. Na segunda volta, os equipos están reforzados, xa saben a que xogar e iso nótase pola parte de abaixo tamén".
A nivel particular, di Cuenca estar "contento polos últimos partidos, que puiden xogar máis. Contento polo xogo do equipo, por haber puntuado. E mirando cara a adiante, que aínda nos queda moito".
De face ao partido do domingo en Riazor (19.00 horas) fronte ao Bercelona, o '14' branquiazul avisa que "imos dar o mellor de nós, todo o que estea no noso poder. Sabemos que son moi bos, que teñen moita calidade eses xogadores. Pero imos tentar defender o mellor posible e se temos o balón, pois xogar o mellor que podamos e tentar acabar as xogadas e tentar gañarlles".
