David Domínguez (na fila de arriba o xogador que está á beira do porteiro) foi un dos grandes protagonistas da vitoria do Xuvenil A en Abegondo (1-0) ante o Sporting de Gijón, en partido correspondente á 7ª xornada da División de Honra.
Do atacante deportivista, autor esta temporada de 5 goles, foi o tanto decisivo ante os asturianos, logrado no minuto 24 de partido.
Ademais, as baixas pola chamada de Óscar Gilsanz para o partido do Fabril en Ourense de Kevin, Hugo Villaverde, Carreira e Vilela igualaron aínda máis o encontro.
Así pois tocou traballar, e moito, ante un Sporting en horas baixas (é 9º na táboa) pero con moita calidade en todas as súas liñas.
Os últimos minutos foron non obstante algo máis tranquilos para o Xuvenil A posto que os branquivermellos quedaron con 10 xogadores no minuto 66 e con 9 no minuto 89 por expulsión con vermella directa de dous dos seus futbolistas.
Con este resultado, o equipo de Manuel Pablo suma 14 puntos na 4ª posición da táboa, a 5 puntos dos líderes RC Celta e SD Compostela.
Xuvenil A: Román, Hugo Torres, Amin, Carlos, Mardones, Noé, Domínguez, Manu Ferreiro, Álex Delgado, Pablo García e Samuel Fernández. Tamén xogaron: Dani Estévez, Guerrero, Ayman, Pablo Parada e Zoe.
A próxima fin de semana, o Xuvenil A visita ao CD Covadonga.
Os resultados até a data do Xuvenil A son os seguintes:
Veriña CF 1 - Xuvenil A 2 (Carreira e Hugo Villaverde)
Xuvenil A 3 (Domínguez, Mardones e Carreira) - SD Compostela 4
RC Celta 2 - Xuvenil A 2 (Álex Delgado e Domínguez)
Xuvenil A 2 (Hugo e Manu Ferreiro) - Real Racing Club 2
Coruxo FC 0 - Xuvenil A 5 (Álex Delgado, Vilela, Domínguez, Guerrero e un futbolista rival en propia meta)
Xuvenil A 8 (Álex Delgado -2-, Ayman -2-, Manu Ferreiro, Guerrero, Domínguez e un futbolista rival en propia meta) - SD Revilla 1
Xuvenil A 1 (Domínguez) - Sporting de Gijón 0