David Mella (na foto da noticia) e Kevin Sánchez concentráronse hoxe luns na localidade alacantina de Alfaz del Pi coa selección española sub-19 para disputar dous amigables ante Noruega en Benidorm.
O primeiro deles será mañá martes 20 de febreiro ás 15:00 no Estadio Guillermo Amor.
Onte domingo, Mella foi titular en ABANCA-RIAZOR ante a SD Tarazona mentres que Kevin, o sábado, disputou a segunda parte co Fabril no Estadio Vero Boquete fronte á SD Compostela.
O calendario de partidos da selección española sub-19 é o seguinte:
Martes 20 de febreiro
15:00: ESPAÑA - NORUEGA, no Estadio Guillermo Amor (Benidorm)
Xoves 22 de febreiro
11:00: ESPAÑA - NORUEGA, no Estadio Guillermo Amor (Benidorm)
Ambos os futbolistas regresarán á Coruña ao longo do xoves 22.
David Mella e Kevin Sánchez son dous dos canteiráns que están no radar das categorías inferiores da selección española, como José Rey, Pablo García, Elena Vázquez, Lucía Rivas ou Antía Veiga.
A orzanista Dunia Dahmouni, con Marrocos sub-17
Dunia Dahmouni concéntrase hoxe luns coa selección de Marrocos sub-17 para participar nuns adestramentos que terán lugar no Complexo Mohammed VI en Rabat, e que se prolongarán até o domingo 25.
A dianteira orzanista suma 17 goles en 18 partidos xogados co Orzán SD Xuvenil Femenino en Primera Autonómica, sendo a actual cuarta máxima goleadora da categoría.