Fran Alonso subliñou que a vitoria de onte no estadio Antonio Puchades ante a Valencia CF Féminas foi "moi importante" aínda que "se viu bastante mellor ao equipo ante o Real Madrid. Hoxe (por onte) era importante sacar os 3 puntos e deixar a portería a cero. As xogadoras estiveron fantásticas e como equipo, fenomenal".
Comenta que "empezamos peor que o rival no primeiro e o segundo tempo pero aos 10 minutos asentámonos e estivemos moi ben".
Resalta que o Dépor ABANCA estivo "ben organizado, coas ideas claras. Xeramos ocasións e cando as tivemos, metémolas".
Finalmente Fran Alonso conclúe que son "3 puntos súper importantes e estou orgulloso do equipo. É unha semana dura porque temos 3 partidos pero con 3 puntos faise máis levadía".