O RC Deportivo chegou a un acordo con Kosner, marca de climatización especializada no desenvolvemento de solucións eficientes, para que sexa novo patrocinador oficial do Club durante a presente temporada 2024-25.
O acordo contempla diferentes accións para dar visibilidade á marca no Estadio ABANCA-RIAZOR e noutros soportes do club durante a temporada.
O Director Corporativo do RC Deportivo, Jan Wappler, valorou moi positivamente a alianza alcanzada entre o Club e Kosner, destacando os valores que unen a ambos: "No RC Deportivo sentimos moi honrados e felices de comezar esta nova etapa no fútbol profesional da man dun socio como Kosner. A sustentabilidade, o medioambiente e o compromiso coa sociedade son valores que marcan a folla de ruta do noso Club, pero que tamén Kosner destaca como fundamentais dentro do seu plan empresarial. Por iso, este acordo ten un valor extra. Esperemos que este acordo só sexa o comezo dunha andaina exitosa e duradeira", destacou.
Pola súa banda, desde Kosner, sinalan que, con esta colaboración co Dépor, a marca "reafirma a súa vinculación co deporte e, en particular, con proxectos cos que comparte valores como o traballo en equipo, a profesionalidade ou a cultura do esforzo".
Coa innovación, a sustentabilidade e a eficiencia enerxética como valores fundamentais, nos seus máis de 25 anos de traxectoria, Kosner converteuse nunha das principais marcas no sector da climatización grazas á súa aposta pola innovación e as enerxías renovables.
Para profundar no seu compromiso co coidado do medio ambiente, centrou os seus esforzos no desenvolvemento de solucións que inclúen enerxías renovables como a aerotermia, unha tecnoloxía que utiliza o aire como fonte de enerxía e que, ademais, cobre as máis altas esixencias en termos de calidade e confort climático.
Os produtos de Kosner pódense adquirir nos máis de 80 puntos de venda do Grupo Saltoki, que conta coa exclusividade para a súa distribución.