O canteirán Kevin Sánchez está concentrado en Georgia coa selección española sub-19 para disputar un mini torneo de clasificación para o Campionato de Europa.
O primeiro rival dos españois será Moldavia mañá mércores 15 de novembro ás 17:00 (hora local, 14:00 en Galicia) no Mikheil Meskhi 1 Stadium de Tbilisi.
Os outros dous rivais nesta competición serán Chipre e a anfitrioa, a selección georgiana.
O calendario de España é o seguinte:
Mércores 15 de novembro
17:00 (hora local, 14:00 en Galicia): ESPAÑA - MOLDAVIA, no Mikheil Meskhi 1 Stadium
Sábado 18 de novembro
17:00 (hora local, 14:00 en Galicia): ESPAÑA - CHIPRE, no Mikheil Meskhi 1 Stadium
Martes 21 de novembro
15:00 (hora local, 12:00 en Galicia): GEORGIA - ESPAÑA, no Mikheil Meskhi 2 Stadium
O mércores 22, o combinado nacional emprenderá o seu regreso a España.
Kevin Sánchez, que este verán renovou até 2028, é un xogador de categoría xuvenil que forma parte do cadro do Fabril en Segunda Federación, onde xa marcou 1 gol.
O pasado domingo, ante o Real Valladolid Promesas, saltou ao céspede no minuto 69 en substitución de Mati Castillo e estrelou un balón no traveseiro no 86 que puido significar a igualada para o equipo fabrilista.
