O partido de Liga F do Dépor ABANCA deste sábado 12 de novembro ás 16:00 en ABANCA-RIAZOR ante o Madrid CFF será o "Día DE..." a Sanidade.
Por medio desta proposta, destinaranse até 24 prazas do Palco de Honra do Estadio a membros dos hospitais da Coruña, centros médicos e representantes dos diferentes ámbitos da saúde.
En cada partido en ABANCA-RIAZOR esta temporada, máis da metade das localidades do Palco de Honra serán destinadas a un colectivo da cidadanía ou a un sector de #ANOSAFORZA, para facer a entidade máis próxima, dar protagonismo á masa social deportivista e agradecer o seu excepcional apoio unha temporada máis.