O Dépor bateu unha nova marca ao superar a barreira dos 30.000 socios nunha nova exhibición de paixón de #ANOSAFORZA.
Así pois, a día de hoxe os abonados do Club son 30.055. Deles, 27.549 teñen asento en ABANCA-RIAZOR e un total de 6.260 teñen no seu carné incluído os partidos das Nosas en Liga F.
Ademais, o Club suma 1.952 socios/as amigo e un total de 554 nenos/as Dépor.
Aínda podes formar parte de #ANOSAFORZA ben como socio/a amigo/a xa de maneira online nesta ligazón ou ben coa opción neno/a Dépor neste caso pasando pola Oficina de Atención ao Deportivismo (OAD) en ABANCA-RIAZOR sito na Avenida da Habana s/n
Ser socio/a amigo/a presenta unha serie de vantaxes, que son as seguintes:
-Posibilidade de adquirir 4 entradas para o Dépor ao 25% de desconto.
-De cara á temporada que vén, escoller localidade antes que a lista de espera nas datas de cambio de modalidade a condición de que haxa oco.
-Asistir a todos os partidos esta temporada do Dépor ABANCA na liga F abonando un suplemento de 15 euros, tamén coa opción de facelo online nesta ligazón
-Abono dixital na app do Club
-Ter un número de abono con antigüidade
-Asistir a todos os partidos do Fabril en Segunda Federación, os partidos de #ANOSACANTEIRA e do Dépor Genuine en Abegondo
-Gozar do 5% de desconto na DéporTienda de ABANCA-RIAZOR, Marineda City, rúa Real e deportienda.es
-Participar en sorteos, experiencias e campañas especiais do Club
-Preferencia na compra de entradas para os partidos do Dépor tanto en ABANCA-RIAZOR como fóra
-Comprar entradas con desconto para persoas socias nos partidos que dispoña o Club
-Descontos e promocións de empresas patrocinadoras ou colaboradoras do Club
-Tarifas especiais nos DéporCampus, Escolas RC Deportivo e outras actividades que organice o Club
-Posibilidade de apuntarse para a foto co Dépor
