O Orzán SD Cadete Femenino (na foto de arquivo) concluíu a temporada como subcampión galego após ceder ante o UD Mos (0-1) na gran final disputada en Caldas.
As pontevedresas levaron un rifado partido cun tanto aos 74 minutos, practicamente sen tempo de reacción para as orzanistas, que encaixaron así a súa única derrota en toda a temporada.
O conxunto de Alejandro Lourido, campión do grupo 1º, eliminou en cuartos de final ao Lóstrego CF (5-0) e en semifinais ao CD Valladares (3-1).
Pola súa banda, o UD Mos, campión do grupo 2º, apeou en cuartos ao SD O Val (8-0) e en semifinais ao Victoria CF (2-1).
Orzán SD Cadete Femenino: Antía Veiga, Valentina Millón, Alexia Freire, Paula Martínez, Sila Santiso, Emma Gandoy, Candela Fernández, Daniela Macedo, Yanis Citoula, Lola Freire e Claudia Sande. Tamén xogaron: Sofía Milhem, Carmen Traba, Martina Vázquez, Marta Moreno e Sofía Rodríguez.
Os resultados do Orzán SD Cadete Femenino nesta fase de eliminatorias foron os seguintes:
Cuartos de final
Orzán SD Cadete Femenino 5 (Alexia Freire, Daniela Macedo -2- e dous futbolistas rivais en propia meta) - Lóstrego CF 0
Semifinais
Orzán SD Cadete Femenino 3 (Alexia Freire, Lola Freire e Valeria Montero) - CD Valladares 0
Final
Orzán SD Cadete Femenino 0 - UD Mos 1
