-Foto:@https://futbalsfz.sk/
Patricia Hmírová (na foto de arquivo nun encontro ante Escocia) foi titular coa súa selección, Eslovaquia, ante Israel en partido disputado hoxe martes no Budaörsi Városi Stadion de Budaörs (Hungría).
O choque, correspondente á sexta xornada da Fase de Clasificación para a Eurocopa 2025, acabou en empate (2-2) cun gol eslovaco de Andrea Bogorová no minuto 89.
A nova atacante deportivista dispuxo dalgunha que outra ocasión durante o partido, especialmente no arranque da segunda metade; e foi relevada no minuto 65 pola súa compañeira Klaudia Favobá.