-Foto:@rfef.es
Marina Artero (na foto no once inicial co dorsal número 6) participou coa selección española sub-19 en Kaunas (Lituania) na Fase Final do Campionato de Europa da categoría.
As españolas, coa deportivista no campo todo o partido, disputaron a gran final este sábado 27 de xullo ante Países Baixos no Darius and Girenas Stadium de Kaunas.
Adiantáronse as hispanas con gol de Marisa Bueno aos 6 minutos de xogo pero empataron as holandesas na segunda metade, resultado co que acabou o tempo regulamentario.
Na prórroga, Eguiguren marcou o tanto definitivo para España. Corría o minuto 118 e xa sen tempo de reacción para Países Baixos.
Marina Artero xogou completos todos os partidos do torneo a excepción do choque fronte á República de Irlanda co que arrincou a competición.
Así pois, o Dépor ABANCA pode presumir de contar nas súas filas cunha campioa de Europa sub-19.
Os resultados do combinado nacional foron os seguintes:
Luns 15 de xullo
ESPAÑA 0 - REPÚBLICA DE IRLANDA 0
Xoves 18 de xullo
PAÍSES BAIXOS 1 - ESPAÑA 0
Domingo 21 de xullo
ALEMAÑA 0 - ESPAÑA 2
Mércores 24 de xullo
Semifinais
INGLATERRA 1 - ESPAÑA 3
Sábado 27 de xullo
Final
ESPAÑA 2 - PAÍSES BAIXOS 1