Unha vez confirmada oficialmente a suspensión do encontro no Heliodoro Rodríguez López, os centos de afeccionados branquiazuis que tiñan previsto animar desde a bancada do estadio tinerfeño dirixíronse ao Hotel NH Tenerife, cuartel xeral do Deportivo, para mostrar o seu agarimo ao cadro.
Os xogadores saíron á rúa e tiveron a oportunidade de pasar uns minutos con todos os afeccionados, que corearon moitas das cancións que se escoitan habitualmente tanto en ABANCA-RIAZOR como fóra; e mesmo acenderon algunha bengala e lanzaron fogos artificiais.
Devolución do diñeiro da entrada
A partir de mañá luns 16 de decembro, a Oficina de Atención ao Deportivismo (OAD) enviará un correo electrónico exclusivamente a todos os afeccionados que compraron a través do RC Deportivo a entrada para o partido no Heliodoro Rodríguez López no que se solicitará os datos bancarios para a devolución do importe.
