O ano 2025 arrincou para o Dépor con boas noticias de saúde. Óscar Gilsanz tivo hoxe sábado, en vésperas do adestramento a porta aberta de mañá domingo 5 de xaneiro ás 11:00 no campo principal da Cidade Deportiva, a todos os seus futbolistas sobre o céspede.
Desta forma, Os Nosos a día de hoxe están en condicións de afrontar un mes de xaneiro con 4 partidos de liga, incluída a visita ao CD Tenerife no partido aprazado o pasado 15 de decembro no Heliodoro Rodríguez López.
O técnico deportivista dispuxo, ademais dunha activación con rondos de presión e unha roda de pases, un exercicio de posición e un partido a tres cuartas partes do campo 3.
Aarón e Pablo García foron os representantes de #ANOSACANTEIRA.
