A mala fortuna aliouse contra o Deportivo ABANCA B na súa visita ao Lóstrego CF, correspondente á 11ª xornada en Tercera Federación e saldada con empate (1-1).
As branquiazuis, que se adiantaron no marcador grazas a un gol de Laura Otero ao cuarto de hora, desperdiciaron numerosas ocasións para aumentar a renda.
Por contra, o Lóstrego CF conseguiu empatar no minuto 89 practicamente na súa única ocasión en todo o partido.
Causaron baixa no filial Elena Vázquez, Michi Apóstol e Martina Rivas, citadas co primeiro equipo para o seu partido en ABANCA-RIAZOR ante o RCD Espanyol.
Con este resultado, o equipo de Óscar Orro suma 25 puntos na 2ª posición da táboa, con 5 de desvantaxe sobre o líder, o Olímpico de León.
Deportivo ABANCA B: Antía Veiga, Vázquez, Redru, Paula Novo, Carmen Carballada, Laura Santos, Ana Capelo, Paula Monteagudo, Noe Mayo, Anfal El Yamani e Laura Otero. Tamén xogaron: Sara Cercido, Yanís Citoula e Dunia Dahmouni.
A próxima fin de semana, o Dépor ABANCA B recibe en Abegondo ao PM Friol B.
Os resultados até a data do Dépor ABANCA B son os seguintes:
CD Villa de Simancas 2 - Dépor ABANCA B 2 (Laura Ruiz e Lucía Mariño)
Dépor ABANCA B 3 (Michi Apóstol, Dunia Dahmouni e Paula Novo) - Victoria FC 0
Sárdoma CF 0 - Dépor ABANCA B 2 (Carmen Carballada e Laura Otero)
Dépor ABANCA B 1 (Paula Monteagudo) - CD Lugo 0
Sporting de Gijón B 0 - Dépor ABANCA B 2 (Paula Monteagudo e Paula Novo)
Deportivo ABANCA B 14 (Laura Otero -3-, Michi Apóstol -2-, Paula Monteagudo -5-, Anfal El Yamani, Laura Santos, Laura Ruiz e unha futbolista rival en propia meta) - CD Romanón 0
Olímpico de León 0 - Deportivo ABANCA B 4 (Michi Apóstol -2-, Laura Santos e Laura Otero)
Deportivo ABANCA B 1 (Anfal El Yamani) - RC Celta 1
Victoria CF 0 - Deportivo ABANCA B 0
Deportivo ABANCA 12 (Anfal El Yamani -6-, Noe Mayo, Paula Novo -2-, Dunia Dahmouni -2- e Ana Capelo) - Bergantiños CF 0
Lóstrego CF 1 - Deportivo ABANCA B 1 (Laura Otero)
