Irene Ferreras compareceu na sala de prensa de Abegondo como previa ao encontro de Liga F fronte ao RCD Espanyol previsto para este domingo 17 de novembro ás 12:00 en ABANCA-RIAZOR (Dazn). A adestradora mostrou tranquilidade e positivismo de cara ao encontro do domingo e á situación na clasificación: "respiramos bo ánimo".
A pesar da recente derrota ligueira, Ferreras cre no cadro e móstrase tranquila: "o equipo está a adestrar moi ben e con bastante equilibrio". Considera que o estado anímico é bo xa que "estamos dentro dos partidos en case todas as xornadas".
No referente ao domingo, Irene segura que "imos tratar de xerar cousas con balón". Apunta moitas similitudes entre ambos os conxuntos: "os dous caracterizámonos por ser equipos bastante fiables e sólidos" e é consciente do perigo do rival: "son ordenadas e ameazantes nas transicións". No entanto, está convencida de que "o equipo vai mostrar argumentos ofensivos. E talento hai".
Finalmente, a míster mantén o optimismo: "estamos a crer moito no traballo e no proceso", sen perder a perspectiva: "queremos mirar cara arriba, pero esta temporada toca loitar e facerse fortes".