-Foto:@rfef.es
A deportivista Marina Artero está concentrada coa selección española sub-19 en Kaunas (Lituania) con motivo da Fase Final do Campionato de Europa da categoría.
Os rivais das españolas na Fase de Grupos son a República de Irlanda, Paises Baixos e Alemaña.
A segunda cita para España foi hoxe xoves 18 de xullo ante Países Baixos na localidade de Marijampole.
A futbolista branquiazul (na foto na fila de arriba a primeira xogadora empezando pola dereita) xogou completo un partido que caeu para as holandesas cun gol no minuto 88.
O primeiro partido da competición, ante as irlandesas, finalizou con empate (0-0) e Marina Artero seguiu o encontro desde o banco.
España necesita agora o triunfo ante Alemaña, o domingo ás 13:00 horas en Jonava, para poder aspirar a clasificarse para as semifinais.
O calendario do combinado nacional, cos resultados dos partidos xa xogados, é o seguinte:
Luns 15 de xullo
ESPAÑA 0 - REPÚBLICA DE IRLANDA 0
Xoves 18 de xullo
PAÍSES BAIXOS 1 - ESPAÑA 0
Domingo 21 de xullo
13:00: ALEMAÑA - ESPAÑA, en Jonava City Stadium de Jonava
Os dous primeiros de grupo pasan a semifinais, que se xogarán o mércores 24 de xullo. Os vencedores disputaranse o cetro europeo o sábado 27 de xullo
