Xa están á venda as entradas de público para o partido do domingo 1 de setembro ás 17:00h fronte ao Racing de Ferrol (LaLiga TV Hypermotion) en ABANCA-RIAZOR, correspondente á 3ª xornada en LaLiga Hypermotion.
Os prezos oscilan entre os 150 euros da nova Tribuna Inferior VIP (con acceso a catering) e os 40 euros de Marathón Superior, Pavillón Superior e Pavillón Inferior.
En Marathón Inferior as entradas son nominativas. Por conseguinte, aqueles abonados que queren comprar unha entrada de público para a dita bancada teñen que facelo de maneira presencial na Oficina de Atención ao Deportivismo (OAD) presentando o DNI da persoa abonada.
As entradas poden adquirirse en calquera momento a través da páxina bancada.rcdeportivo.es e na OAD co seguinte horario de luns a venres: de 10:00 a 13:30 e de 16:30 a 19:30 horas.
Ademais, xa está operativa tamén a posibilidade de que as socias e os socios liberen os seus asentos en caso de non poder acudir a ABANCA-RIAZOR nesta ligazón.
