Xa están á venda as entradas de público para o partido deste sábado 17 de agosto ás 19:00h fronte ao Real Oviedo en ABANCA-RIAZOR, correspondente á 1ª xornada en LaLiga Hypermotion. As socias e os socios do RC Deportivo poden acceder directamente co seu carné dixital, este a través da APP RC Deportivo ou ben coa súa entrada de incidencia que deberán retirar nos despachos de billetes do Palacio dos Deportes.
Os prezos para o público oscilan entre os 150 euros da nova Tribuna Inferior VIP (con acceso a catering) e os 40 euros de Marathón Superior, Pavillón Superior e Pavillón Inferior.
En Marathón Inferior as entradas son nominativas. Por conseguinte, aqueles abonados que queren comprar unha entrada de público para a dita bancada teñen que facelo de maneira presencial nos despachos de billetes do Palacio dos Deportes presentando o DNI da persoa abonada.
Tamén se pode consultar a posibilidade de alugar un Palco VIP a través de areasvip@rcdeportivo.es.
As entradas poden adquirirse en calquera momento a través da páxina bancada.rcdeportivo.es, e nos despachos de billetes do Palacio dos Deportes co seguinte horario: luns 12, martes 13, mércores 14 e venres 16 de agosto de 10:00 a 19:00 en horario ininterrompido; e o sábado 17, día do partido, de 16:00 a 20:00 horas.
Ademais, xa está operativa tamén a posibilidade de que as socias e os socios liberen os seus asentos en caso de non poder acudir a ABANCA-RIAZOR nesta ligazón.