Ante o inminente inicio da temporada e dada a gran demanda de xestións a realizar na Oficina de Atención ao Deportivismo durante as próximas semanas coa competición xa en marcha, o RC Deportivo non quere deixar a ningunha persoa, futura socia do Club, sen a posibilidade de gozar dos dous primeiros partidos do equipo en ABANCA-RIAZOR os días 27 de agosto e 3 de setembro.
Por iso, cada Deportivista que solicitase Cita Previa antes do venres 26 de agosto ás 20.00 horas e que pechase unha cita para ser atendido na Oficina de Atención ao Deportivismo entre o 29 de agosto e o 16 de setembro, se desexa asistir aos primeiros partidos de liga e aínda non dispón do seu carné, poderá comprar a través da web: https://bancada.
Para poder solicitar este desconto será imprescindible:
-
Adquirir a entrada na mesma bancada do abono
-
Presentar a entrada no momento da alta do abono
-
Unicamente poderase descontar unha entrada por partido celebrado con anterioridade a tramitar o abono
-
A entrada debe estar ao mesmo nome que a persoa titular do abono, pola contra non poderá ser descontada do importe do mesmo:
- en caso de compra en liña debe indicar os datos da persoa titular do abono
- en caso da compra presencial debe indicar este feito ao persoal de ticketing mostrando o DNI -
Se adquiriu unha entrada e non indicou os seus datos non se poderá descontar sobre o prezo do abono.
O RC Deportivo quere agradecer de novo a cada Deportivista o seu compromiso co Club e pedir desculpas a cantos se ven afectados por esta situación causada pola extraordinaria resposta da afección e a incapacidade temporal, técnica e humana, de atender a máis persoas ao día nas oficinas do Estadio ABANCA-RIAZOR, que ampliará a súa capacidade de atención durante os próximos días para poder dar servizo ao maior número de Deportivistas posible.
Desde o 19 de setembro xa non será necesario ter cita previa para facer xestións na Oficina de Atención ao Deportivismo.
