As futbolistas titulares onte no partido de Copa de la Reina ante o Atlético Villalonga FF tiveron esta mañá menos carga na sesión de traballo matinal do Dépor ABANCA.
Coa lesionada Henar; ademais de Marina Artero e Olaya enroladas con España no Mundial sub-20; Paula Novo, Carmen, Monteagudo, Elena, Michi Apóstol, Redru, Laura Ruiz e Martina foron as canteirás que estiveron á orde de Irene Ferreras.
Mañá venres 13 de setembro a partir das 11:00 no campo 5 de Abegondo, As Nosas comezarán a preparar a seguinte cita ligueira, de novo lonxe de ABANCA-RIAZOR coa visita ao Atlético de Madrid o domingo 15 de setembro ás 16:00 (Dazn) no Centro Deportivo de Alcalá de Henares.
