O Dépor ABANCA enfrontarase ao Sporting de Gijón na segunda rolda da Copa de la Reina
O Dépor ABANCA enfrontarase ao Sporting de Gijón na segunda eliminatoria da Copa de la Reina, que será tamén a partido único.
Para os emparellamentos aplicouse o criterio de proximidade xeográfica na medida do posible e baseándose na distancia de quilómetros entre os equipos participantes.
Ao militar o Sporting a pasada temporada en Segunda Federación e, por conseguinte, nunha categoría inferior á do Dépor ABANCA, a eliminatoria xogarase en Mareo.
O resto de emparellamentos é o seguinte:
SE AEM - RCD ESPANYOL DE BARCELONA* CD ALBA FUNDACIÓN FEMENINO - ALHAMA CF* CD FERMAGUÍN SPAR GRAN CANARIA - CD GUINIGUADA APOLINARIO* CÓRDOBA CF - CACEREÑO FEMENINO DEPORTIVO ALAVÉS - DUX LOGROÑO* FUNDACIÓN CANARIA CD TENERIFE - CD GETAFE FEMENINO* ZARAGOZA CF FEMENINO - CD FUNDACIÓN OSASUNA FEMENINO
*partidos nos que mañá martes 17 de setembro ás 13:00 horas decidirase na sede da RFEF que equipo é o local e que equipo é o visitante.
Na primeira rolda, As Nosas apearon ao Atlético Villalonga FF de Segunda Federación (0-1) cun gol de Millene no 94.