Antía Veiga non tivo minutos no segundo amigable que a selección española sub-17 disputou ante Inglaterra en Alfaz del Pi (Alacante) e que acabou con triunfo inglés (1-2).
Con este encontro, Antía Veiga puxo fin a esta concentración e regresou á Coruña.
A gardameta deportivista, de 15 anos, si participou o pasado martes na goleada (5-1) española no primeiro dos dous amigables programados entre ambos os conxuntos nesta semana.
A canteirá xogou a segunda metade nun choque no que España foi moi superior.
Os resultados foron os seguintes:
Martes 10 de setembro
ESPAÑA 5 - INGLATERRA 1
Xoves 12 de setembro
ESPAÑA 1 - INGLATERRA 2
Antía Veiga adestrouse esta pretemporada co primeiro equipo e chegou a debutar no amigable ante o Real Oviedo Femenino disputado o pasado 21 de agosto en Abegondo.