Alejandro José Martínez Delgado 'Álex Delgado' (28 de febreiro de 2005, San Pedro, Venezuela) foi convocado pola selección venezolana sub-20 para uns adestramentos desde mañá sábado 2 de marzo ao próximo venres 8 na cidade de San José en Costa Rica.
O canteirán branquiazul milita no Xuvenil A onde esta temporada anotou 6 goles en 20 partidos disputados.
Debido a esta citación, será baixa para o choque da División de Honra de mañá sábado 2 de marzo en Abegondo (16:30, Youtube RC Deportivo) ante o CD Covadonga.
Álex Delgado súmase á lista de futbolistas de #ANOSACANTEIRA que están no radar das súas respectivas seleccións nacionais, como é o caso de Kevin Sánchez, José Rey, Pablo García, Elena Vázquez e Lucía Rivas con España; ou Amin Mustapha e Dunia Dahmouni con Marrocos.