Juan Antonio Anquela dividiu esta mañá ao cadro do Deportivo en dous grupos co obxecto de realizar un exercicio táctico no campo 2, de cara ao encontro deste xoves 3 de outubro en Montilivi ante o Girona FC (21:00 horas, #Vamos).
Así, mentres un grupo realizaba un roldo no campo 3, o outro grupo executaba no campo anexo as instrucións do técnico deportivista, que apenas conta con tempo para urdir o plan de xogo ante o cadro catalán.
O traballo sobre o céspede concluíu con partidos de fútbol-tenis.
David Simón, Somma e Koné tiveron un adestramento específico no ximnasio; mentres que os fabrilistas Gandoy, Mujaid e Boian estiveron hoxe co primeiro equipo.
Mañá, o cadro adestrarase a partir das 10:30 horas en Abegondo. Ao finalizar, Juan Antonio Anquela dará a lista de convocados que pola tarde se desprazarán a Girona, vía Barcelona.
