-Foto:@rfef.es
As deportivistas Olaya e Marina Artero despedíronse do Mundial sub-20 de Colombia ao perder (1-0) España ante Xapón en cuartos de final.
O encontro xogouse no campo Atanasio Girardot de Medellín esta pasada madrugada en Galicia.
Olaya Enrique (na foto co dorsal 16) formou parte do once mentres que Marina Artero relevou no minuto 73 a Aïcha Cámara.
O choque decidiuse na prórroga cun gol de Hiromi Yoneda no minuto 102.
Marina puido marcar ao comezo do tempo extra nunha xogada embarullada na área xaponesa pero o seu remate sacouno a defensa nipoa.
En oitavos, a selección española venceu (2-1) a Canadá. Olaya Enrique foi titular e foi substituída no minuto 90 pola tamén branquiazul Marina Artero.
Coa clasificación no peto, ambas as xogadoras finalizaron o pasado domingo 8 con vitoria ante Marrocos (2-0) a Primera Fase.
A central branquiazul foi titular mentres que Olaya foi suplente.
O xoves 5, a selección española selou o pase ao gañar (2-0) a Paraguai na 2ª xornada coa participación das deportivistas.
Olaya saíu no once inicial e foi substituída no minuto 45 por Erika González a consecuencia dunhas molestias musculares.
Pola súa banda, Marina Artero saltou ao campo no minuto 56 en substitución de Maite Zubieta.
No debut ante Estados Unidos o 1 de setembro, un gol de Olaya no minuto 8, a pase de Lucía Corrales, deu o triunfo (1-0) ao combinado nacional.
Nesta ocasión, Marina Artero seguiu o encontro desde o banco.
Os resultados de España no Mundial sub-20 foron os seguintes:
Primeira Fase
Domingo 1 de setembro
ESPAÑA 1 - ESTADOS UNIDOS 0
Xoves 5 de setembro
ESPAÑA 2 - PARAGUAI 0
Domingo 8 de setembro
MARROCOS 0 - ESPAÑA 2
Oitavos de final
Mércores 11 de setembro
ESPAÑA 2 - CANADÁ 1
Cuartos de final
Luns 16 de setembro
XAPÓN 1 - ESPAÑA 0
