As entradas de público para o partido deste sábado 7 de decembro ás 18:30 fronte ao Real Zaragoza en ABANCA-RIAZOR, correspondente á 18ª xornada en LaLiga Hypermotion, pódense adquirir en calquera momento a través de bancada.rcdeportivo.es e unicamente na Oficina de Atención ao Deportivismo (OAD) até este xoves 5 co seguinte horario: de 10:00 a 13:30 e de 16:30 a 19:00 horas.
Xa que o encontro foi declarado de alto risco pola Comisión Estatal contra a Violencia, o Racismo, a Xenofobia e a Intolerancia no Deporte non se venderán entradas o mesmo día do partido nos despachos de billetes do Palacio dos Deportes de Riazor, que abrirá ás 16:30 só para atender incidencias de abonados e abonadas.
Por este motivo, as portas de ABANCA-RIAZOR abrirán as súas portas para o partido ás 17:00.
Os prezos oscilan entre os 150 euros da nova Tribuna Inferior VIP (con acceso a catering) e os 30 euros de Marathón Superior, Marathón Inferior, Pavillón Superior e Pavillón Inferior.
Ademais, xa está operativa tamén a posibilidade de que as socias e os socios liberen os seus asentos en caso de non poder acudir a ABANCA-RIAZOR nesta ligazón.