O RC Deportivo pon á venda esta tarde as entradas para o encontro da 2ª xornada do grupo 1 de Primera Federación ante o CD Lugo, que se disputará no estadio Anxo Carro o sábado 2 de setembro ás 21:30 horas.
Desde a apertura esta tarde do Despacho de Billetes do Palacio dos Deportes, ás 16:00 horas, os afeccionados deportivistas poderán adquirir as entradas ao prezo único de 20 euros. Será imprescindible que a persoa que adquira as entradas (até 2 por carné e un máximo de 4 por persoa física en despacho de billetes) mostre o DNI orixinal, copia ou imaxe de cada persoa que as vai a utilizar, e que unha delas pertenza á persoa titular do abono.
No caso de que as entradas non se esgoten esta tarde, seguiranse vendendo mañá no Despacho de Billetes do Palacio dos Deportes, entre 10:00 e 14:00 horas e as 16:00 e o descanso do partido fronte ao CF Rayo Majadahonda, e a partir do luns na OAD, no seu horario habitual de 10:00 a 13:30 e de 16:30 a 19:00 horas.
O CD Lugo puxo a disposición do Deportivismo entradas a dous prezos: 25 e 20 euros. Por iso, o Consello de Administración do RC Deportivo decidiu que o Club custee eses 5 euros de diferenza para que todos os afeccionados que acudan ao partido no Anxo Carro paguen o mesmo, cun prezo único de 20 euros.
A Federación de Peñas do RC Deportivo tamén xestionará pola súa conta e para os seus membros a cota do total de entradas correspondente por convenio entre ambas as entidades.
