O Dépor pechou xa a segunda data do seu calendario de pretemporada co partido que lle vai a enfrontar ao Bergantiños nas Eiroas o próximo mércores 25 de xullo, día de Galicia e de Santiago Apostol.
O choque, que xa tivo lugar no mesmo escenario a pasada pretemporada, disputarase a partir das 20:00 horas.
Ademais de ser o primeiro partido da xira de verán do equipo, após a estrea o sábado 21 en Abegondo ante o Fabril, suporá a posta de longo do equipamento "17 de maio: Letras Galegas", o uniforme do Dépor que este ano leva o himno galego escrito sobre a banda da bandeira autonómica. Unha gran xornada para mostrar en xogo un equipamento que se estreou un 25 de xullo de hai 4 anos en Colombia fronte ao Deportivo Cali e que evolucionou cada temporada.
Datas confirmadas da pretemporada do Dépor '18-'19
Luns 9 e martes 10 de xullo, Cidade Deportiva de Abegondo: Probas físicas e médicas
Mércores 11 de xullo, Cidade Deportiva de Abegondo: Primeiro adestramento
Sábado 21 de xullo, Cidade Deportiva de Abegondo, h.s.c.: Dépor - Fabril
Mércores 25 de xullo, As Eiroas, 20:00 h.: Bergantiños - Dépor
Mércores 8 de agosto, Anxo Carro, 20:30 h.: CD Lugo - Dépor
