Borja Galán incorporouse aos adestramentos co grupo no regreso ao traballo do Deportivo, esta tarde en Abegondo.
O atacante branquiazul completou con normalidade a sesión aínda que non ten o visto e prace dos Servizos Médicos de cara ao encontro deste domingo 9 de maio no Nuevo Estadio Los Pajaritos de Soria (12:00, Footters), con motivo da última xornada no grupo 1D de Segunda División B.
Rubén de la Barrera non puido contar con Derik, Keko e Miku, que completará ao longo da semana un traballo específico entre o céspede e o ximnasio.
Ademais Gandoy e Mujaid realizaron unha parte, a primeira, co grupo e a outra metade no vestiario.
O técnico coruñés dispuxo, após un quecemento con rondos, un exercicio con porterías pequenas e un partido a medio campo para concluír, nunha sesión de activación após dous días de descanso.
Mañá xoves está programado un novo adestramento, a partir das 10:30 en Abegondo.
