Borja Jiménez manifestou ao concluír o partido nel Cerro del Espino que "imos desgustados porque queriamos gañar e non fomos capaces. Na primeira parte tivemos algo máis o dominio da pelota, con pouca profundidade; e a segunda algo máis, sobre todo nos minutos minutos finais coa opción de Kuki Zalazar, o último centro de Gorka, as de Yeremay... Pero está a custarnos facer gol".
Engade que "cando non gañamos estamos desgustados porque a nosa esixencia é gañar sempre e non o conseguimos, independentemente de cales fosen as sensacións ou poder dominar. Ao final hai que metela, hai que gañar os partidos e iso témolo moi claro. Entón a análise non pode ser moi positiva porque non conseguimos gañar".
O técnico deportivista apunta que o equipo necesita atacar máis amodo, con máis control, con máis xogadores porque cando aceleramos moito prodúcense perdas".
Opina que o vivido esta tarde en Majadahonda "foi un pouco a continuación do que foi o outro día: podiamos estar xogando máis tempo e estámonos atopando con situacións... pois o porteiro rival adoita ser o mellor do equipo. A primeira parte si chegamos bastantes veces, sobre todo en dereita con Antoñito. Fixemos envíos, pero non estivemos precisos. Tiñamos bastante xogo por detrás con Rubén e con Mario para ter moito o control, tentar reducir o número de perdas e as transicións, que creo que foron moi poucas. Pero aí en tres cuartos fáltanos. Necesitamos que a xente de aí teña algo máis de frescura de cara ao gol porque situacións para gañar tivemos".
Sostén que nesa zona de tres cuartos "fáltanos algo máis de faísca, de velocidade, desa sensación de que es daniño, un pouquiño máis de precisión no último pase. Tivemos situacións moi francas de golpeo desde a frontal. É cuestión de confianza. Esta semana adestraron moito mellor en todas esas situacións e fáltanos que o referenden nos partidos, porque situacións estamos a xerar".
Asegura que a situación se arranxa "traballando máis, dándolles agarimo. É unha cuestión tamén de confianza, que o nivel dos xogadores de arriba aumente para que as situacións claras de gol acaben entrando".
Precisamente desvela após esta igualada a cero que "a sensación dos rapaces é un pouco diferente porque eles van tendo sensacións de que aos poucos séntense con máis confianza, de que teñen a capacidade de ir facendo máis cousas. É verdade que hoxe o equipo atacou lento, pero porque necesita quizá iso. Gustarianos atacar moitísimo máis rápido, ter máis profundidade por fóra, pero ímonos adaptando ás características dos nosos xogadores ou dos que están no campo e tentamos crecer sobre iso. Os rapaces son súper receptivos ao traballo, están desgustados como todos cando non gañas e con ganas de gañar".
Co liderado a 7 puntos entende as críticas e "para iso estamos aquí". Pide no entanto "valorar o que o equipo vai facendo, as cousas que ten que seguir facendo e seguir traballando".
Nesta liña, comprende que "o nivel de esixencia estando aquí é o máximo e que cando non gañes haxa críticas. Enténdoo, respéctoo e ademais díxeno sempre, #ANOSAFORZA é moi soberana e esíxenos o que temos que facer, que é gañar".
Preguntado pola actuación de Edu, un membro de #ANOSACANTEIRA que debutou esta tarde co primeiro equipo, indicou que "hai moitísima confianza. É un rapaz excepcional no persoal e ademais un profesional que o fixo como o fai, sempre, moi ben".
E sobre Yeremay, comenta que "o está facendo moi ben. Estamos contentos e por iso está a ter participación por diante doutros xogadores que a priori, na confección de cadro, deberían de ter máis peso. Estamos moi contentos co que nos dá, coa súa achega e unha pena que non puidese facer gol nas dúas que tivo bastante claras".
Do Linares Deportivo, empolicado no máis alto da táboa e próximo rival en ABANCA-RIAZOR o domingo 16 de outubro, Borja Jiménez lembra que "tiñamos moitos equipos que fixeran o ano pasado playoff que podían estar aí arriba e en canto a nomes non nos equivocamos moito. Atoparémonos un gran rival e hai que gañar con #ANOSAFORZA".
