Dani Giménez foi o protagonista esta mañá na sala de prensa de Abegondo.
O meta deportivista asegura que prefire xogar "tanto en ABANCA-RIAZOR como fóra con público. A esencia do fútbol é a afección, son os afeccionados. Son os que moven todo isto".
De feito, ten a esperanza de que "se todo isto (da pandemia) vai mellor, igual podemos xogar as últimas xornadas con público. Sería precioso. Pero a realidade é que a día de hoxe non podemos".
Da Bundesliga, ve partidos "distintos. Parece que só hai un ritmo salvo que vexas aos equipos grandes, que teñen mellores xogadores. É diferente. Hai xogadores que xogar con público motiva a outros xogadores con menos experiencia pode cohibir certos cambios. Cando entras nun campo e está baleiro, aseméllase máis a un adestramento. A cabeza vai ser o máis importante sobre todo nas primeiras xornadas".
Resalta un dos capitáns deportivistas que despois dun confinamento en casa de dous meses, "a xente veu moi ben, moi enchufada, moi ben fisicamente. O equipo está súper comprometido nas tarefas que se pon nos adestramentos. Logo xogamos contra outro equipo que seguramente veña en boas condicións pero nós estamos para competir. E ademais temos unha ilusión enorme por empezar moi forte, por coller unha boa dinámica e aproveitar ese empuxe que che dan as boas xeiras".
Nesta liña, insiste en que o Dépor está a pouco máis dunha semana para empezar a liga, "moi ben, moi mentalizado. A min sorprendeume como chegou a xente. A xente foi súper responsable durante o confinamento. E agora estamos a recoller os froitos. Metéronnos moitísima cana estas semanas e a xente en ningún momento baixou os brazos. Estamos máis fortes, máis delgados. Nese sentido o equipo durante todo o ano foi unha marabilla. Xente comprometida e esperemos que agora co balón esteamos igual de ben e gañar partidos. O importante é empezar ben. Ese partido contra o Sporting de Gijón vai ser importantísimo para as sensacións de xogar en ABANCA-RIAZOR sen xente e como preparación para os partidos que quedan. Se empezamos gañando e con boas sensacións, este equipo pode facer cousas moi boas, porque temos un cadro bastante longo".
Iso si, advirte que nesta recta final "todos os equipos imos sufrir moito fisicamente porque non estamos afeitos xogar tanto. Son partidos de tensión. Nós imos xogar contra equipos do noso nivel todas as xornadas e xogándonos ademais algo tan importante como non descender. Fisicamente imos ter vítimas e xogadores tocados, como todos os equipos. Ningún equipo vaise a librar. É algo que nunca fixemos e a cabeza pesa moito. E cando xogas partidos a vida ou morte durante un mes e medio seguido, é complicado que un xogador acaba fresco como imos empezar".
Pide así mesmo que "os xogadores e os clubs teñamos claro a que aternos en canto empece a competición, quen baixaría se non podemos xogar todos os equipos contra todos, que xornada tomaríase como referencia, os triplos empates... Xusto o reflectido na situación na que está o Dépor, o Albacete e o Oviedo. Iso hai que telo clarísimo". "Entendo que non se di nada a día de hoxe para evitar quizais balbordo, leas ou que alguén se poña a tirita antes da ferida. Até última hora non se saberá pero antes dos partidos debería saberse", engade.
