Rubén de la Barrera manifestou na sala de prensa do Estadio dos Pajaritos que "tivemos o control do partido. Era un partido que en condicións normais telo que gañar e pérdelo. Por qué? Concédeselle ao CD Numancia certas vantaxes no seu xogo directo en situacións onde estabamos equilibrados. Na acción do gol era evitable pola nosa banda. Soubemos recoñecer cando sumar máis pases para atopar camiños e cambiar ritmos de cara á súa última liña. Xeramos situacións de finalización. Noutros momentos faltounos algo máis de punch".
O técnico deportivista opina que "o equipo xogou ben. O partido había que xogalo, había que masticalo. E non é fácil ante o Numancia que defende con xente e que o fai ben. E ten xogadores que en contraataque che poden facer dano. Na segunda parte nada se desperdiciou pero no último cuarto non estás o suficientemente acertado para facerlles dano de verdade. E iso creo que é o que decanta un pouco o partido e que a nós nos impide gañar hoxe aquí".
Non lle reforza vir cos deberes feitos a Soria, a clasificación para a Primeira RFEF porque "vin (ao Dépor) ao que viña. Pero houbo que ter en conta moitísimas circunstancias desde o primeiro momento para reverter certas situacións. Non nos chegou, e iso que acumulamos moitos puntos ao final da primeira fase. E iso méteche de cheo na segunda. Aínda que tiñamos claro que o obxectivo era confirmar praza para o Pro, non é sinxelo sobre todo nos dous primeiros partidos cambiar o chip. O sistema de competición é incrible. O Numancia en cuestión de meses perde dúas categorías".
Volveu insistir sobre o seu futuro que "neste Club estou encantado. Estou encantado coa xente que me rodea. Estamos a falar e debuxando aquilo que pode ser bo para o futuro do Deportivo".
Rubén de la Barrera engade que "sexa cal sexa o cadro que ti constrúas, independentemente do perfil dos xogadores, o obxectivo vai ser gañar. A iso hai que ir. Aquí estamos para gañar e para lograr un obxectivo importante. E máis eu, que son da Coruña. Paseo pola rúa e teño a intención de seguir facéndoo. Facer un equipo que máis aló do competitivo estea preparado para asumir retos importantes en momentos que serán bos e outros que non sexan tan bos. A xente que chegue ten que estar de acordo ao obxectivo do equipo".
