Os abonados e abonadas ao Dépor ABANCA poden retirar a súa entrada (gratuíta e obrigatoria) e unha máis de acompañante tamén gratuíta para o partido ante o Real Madrid CF, correspondente á 13ª xornada da liga F, do sábado 14 de decembro ás 16:30 en ABANCA-RIAZOR.
Será unicamente online en bancada.es e nun primeiro momento estarán dispoñibles entradas de Tribuna Inferior. Iranse abrindo bancadas a medida que se vaian ocupando.
Por outra banda, as entradas de público están á venda unicamente online en bancada.es ao prezo único de 15 euros.
Os abonados e abonadas que non adquirisen o suplemento do Dépor ABANCA (15 euros) poderán acudir á Oficina de Atención ao Deportivismo (OAD) para realizalo.
As persoas que non sexan abonadas ao RC Deportivo poden darse de alta na OAD como socio/a amigo/á o prezo de 50 euros e abonar o citado suplemento de 15 euros que lles permitirá asistir a todos os partidos en casa do Dépor ABANCA.
O horario da OAD é de luns a venres de 10:00 a 13:30 e de 16:30 a 19:00 horas.