Coincidindo coas vacacións de Nadal no calendario escolar volven, un ano máis, os DéporCampus Cabreiroá.
Esta semana están en marcha estas dúas sedes:
A de Sada ten como escenario as instalacións do campo de fútbol municipal das Mariñas, en colaboración co Sada CF. Participan un total de 60 nenos e nenas (foto principal da noticia).
Pola súa banda, a primeira semana da sede de Alvedro (na foto inferior) desenvólvese a cuberto no campo de fútbol indoor das instalacións de PadelPlus.
Nesta actividade da Fundación RC Deportivo poden participar todos os nenos e nenas desde os 6 aos 14 anos en horario de 10:00 a 14:00 horas. Todos os participantes reciben un equipamento oficial dos DéporCampus Cabreiroá, ademais dos diferentes sorteos de agasallos, actividades sorpresa...
Levan a cabo diferentes actividades lúdicas todas elas relacionadas co fútbol baixo a supervisión dos adestradores da canteira do RC Deportivo.
Os obxectivos marcados son os seguintes:
-Aprender e desenvolver a coordinación a través de xogos coordinativos.
-Aprender as habilidades e conceptos na relación co corpo.
-Aprender as habilidades e conceptos na relación co balón.
-Traballar os fundamentos técnico-tácticos cunha metodoloxía analítica.
-Competir e gozar mediante partidos en diferentes espazos.
-Transmitir os valores que representa o Dépor: RESPECTO, SOLIDARIEDADE, AMIZADE, XOGO LIMPO, INTEGRACIÓN, ESFORZO E FELICIDADE.
Abertas até mañá martes ás 14:00 as inscricións para a segunda semana
A próxima semana, o 30 de decembro, 2 e 3 de xaneiro haberá outras 3 sedes en funcionamento nos DéporCampus Cabreiroá de Nadal:
A do Club do Mar desenvolverase baixo teito no polideportivo da sociedade de San Amaro
Pola súa banda, a de Pontedeume terá como escenario o campo da Gándara e conta coa colaboración do Eume Deportivo.
Finalmente a segunda quenda da sede de Alvedro será a cuberto nas citadas instalacións do campo de fútbol indoor de PadelPlus.
Están abertas as inscricións até mañá martes 24 de decembro ás 14:00 na web oficial deporcampus.rcdeportivo.es.
