O campo da Gándara en Pontedeume acolleu a presentación do DéporCampus Cabreiroá de Nadal que terá lugar na citada instalación.
O acto tivo lugar coa presenza de Nicolás Fernández Loureiro, presidente do Eume Deportivo CF; Joshua Dopico López, concelleiro de deportes do Concello de Pontedeume; e Sergio Maurente, Coordinador do Programa Local da Fundación RC Deportivo.
As datas deste DéporCampus Cabreiroá de Nadal serán os días 30 de decembro, e 2 e 3 de xaneiro.
As inscricións atópanse abertas até mañá martes 24 de decembro até as 14:00 horas na web oficial deporcampus.rcdeportivo.es.
Para calquera dúbida ou consulta coa inscrición poden contactar directamente coa organización na dirección de correo electrónico deporcampus@rcdeportivo.es.
Debido á limitación de prazas e a demanda para estas actividades de nadal, recoméndase non demorar a inscrición a todos aqueles nenos e nenas que queiran participar nestas xornadas apaixonantes de fútbol con diversas actividades, novas amizades e moito deportivismo.