O Dépor ABANCA ten dobre representación nesta convocatoria da selección española sub-23.
As futbolistas branquiazuis Ainhoa Marín e Olaya Enrique foron citadas por este combinado nacional para disputar un amigable ante Italia que se xogará o vindeiro xoves 24 de outubro ás 17:00 na Ciudad del Fútbol de Las Rozas (Madrid).
Ambas as xogadoras incorporaranse á concentración de España o luns 21 de outubro en Las Rozas (Madrid).
Ainhoa Marín e Olaya Enrique regresarán á Coruña ao terminar o encontro.
Ademais, o Dépor ABANCA ten a Elena Vázquez disputando o Mundial sub-17 na República Dominicana; e Patrícia Hmírová esta citada por Eslovaquia e Inês Pereira, por Portugal.
