O Dépor, hoxe martes con xornada de descanso, inicia este mércores 20 de novembro unha semana con 4 sesións matinais en Abegondo previas ao encontro ante o Sporting de Gijón, correspondente á 16ª xornada en LaLiga Hypermotion, previsto para o domingo 24 de novembro ás 16:15 en ABANCA-RIAZOR (LaLiga Hypermotion).
Os resultados da última xornada, coa derrota en Almería, deixaron a Os Nosos con 16 puntos na 16ª posición da táboa.
Na zona mixta do UD Almería Stadium, Sergio Escudero, un dos futbolistas con máis experiencia do vestiario, marca como meta "tentar ter a máis xente dispoñible e saber que podemos competir con calquera equipo".
O lateral deportivista cre que "hai que ter a cabeza posta na próxima fin de semana, en ABANCA-RIAZOR gañamos o último día (ante a SD Eibar) e temos que seguir por esa liña".
A planificación semanal, sempre susceptible de sufrir variación por razóns técnicas, é a seguinte:
Mércores 20 de novembro
11:00 h.
Xoves 21 de novembro
11:00 h.
Venres 22 de novembro
11:00 h.
Sábado 23 de novembro
11:00 h.
Domingo 24 de novembro
16:15: Deportivo - Sporting de Gijón, en ABANCA-RIAZOR
