-Foto:@rfef.es
Coa clasificación para oitavos no peto como líderes de grupo, as deportivistas Marina Artero e Olaya finalizan a Primera Fase do Mundial sub-20 nesta próxima madrugada do sábado ao domingo (1:00, hora galega) ante Marrocos no Estadio Olímpico Pascual Guerrero de Cali.
Será a primeira vez na historia que se enfrontan nesta categoría os dous equipos.
O pasado xoves, a selección española selou o pase ao gañar (2-0) a Paraguai na 2ª xornada coa participación de ambas as deportivistas.
Olaya saíu no once inicial e foi substituída no minuto 45 por Erika González a consecuencia dunhas molestias musculares.
Pola súa banda, Marina Artero (na foto da noticia co número 14) saltou ao campo no minuto 56 en substitución de Maite Zubieta.
No debut ante Estados Unidos, un gol de Olaya no minuto 8, a pase de Lucía Corrales, deu o triunfo (1-0) ao combinado nacional.
Nesta ocasión, Marina Artero seguiu o encontro desde o banco.
O calendario das dúas futbolistas branquiazuis, cos resultados dos partidos xa xogados, é o seguinte:
Domingo 1 de setembro
ESPAÑA 1 - ESTADOS UNIDOS 0
Xoves 5 de setembro
ESPAÑA 2 - PARAGUAI 0
Domingo 8 de setembro
1:00: MARROCOS - ESPAÑA, no Estadio Olímpico Pascual Guerrero (Cali)
O Dépor ABANCA está representado no torneo mundial con 3 futbolistas: Marina Artero e Olaya por España; e Michi Apóstol por Venezuela.