Finalizado o encontro no Centro Deportivo Alcalá de Henares ante o Atlético de Madrid Femenino, As Nosas emprenden viaxe de regreso por estrada á Coruña.
Irene Ferreras, despois dunha semana de 3 partidos coa Copa de la Reina en Villalonga entre medias, concedeu dous días de descanso ao seu cadro. Así pois, as futbolistas branquiazuis adestraranse de novo o mércores 18 de setembro a partir das 11:00 en Abegondo.
A próxima cita na Liga F será o domingo 22 de setembro ás 17:00 (Dazn) en ABANCA-RIAZOR ante o Real Betis Balompié.
