Esta tarde tivo lugar no centro comercial Marineda City o evento de presentación oficial dos equipamentos e fichaxes para a temporada 2024-25. Representantes do Dépor, Dépor ABANCA, ANOSACANTEIRA e Dépor Genuine encheron de ilusión aos centenares de asistentes.
En primeiro lugar, o espectáculo deu comezo coa actuación de dous freestylers de fútbol, que amenizaron os momentos previos á presentación.
Despois do show, David Mella abriu as aparicións deportivistas, ao que seguiron representantes da canteira e Genuine.
Após eles, comezaron a desfilar as fichaxes de Os Nosos e As Nosas: Mohamed Bouldini, Cristian Herrera, Pancha Lara, Juan Carlos Gauto e Oriana Altuve, con roupa de paseo e de adestramento.
Posteriormente, ao concluír un emotivo vídeo en conmemoración a Arsenio Iglesias, apareceron sucesivamente Helton Leite, Inês Pereira, Mfulu, Hmírová, Escudero, Bárbara, Charlie Patiño e Vera portando os novos equipamentos.
Todos eles obsequiaron a #ANOSAFORZA con balóns que posteriormente podían intercambiar por agasallos.
Finalmente, todos os representantes do RC Deportivo puideron asinar autógrafos e sacarse fotos cos asistentes, non sen antes cantar xunto a eles algunha das cancións que se escoita nas bancadas de ABANCA-RIAZOR.
