Fran Alonso destacou na sala de prensa de Abegondo que "non teño dúbidas que este equipo ten a calidade, as ganas, os atributos para conseguir o obxectivo que nos expuxemos a final de temporada".
Explica que neste tempo á fronte do Dépor ABANCA "tentamos dar prioridade a un par de cousas que cremos que nos poidan axudar a curto prazo pero véselles moi enchufadas, moi contentas. Espero que se vexa o sábado".
Nesta liña, o técnico deportivista asegura que "hai conceptos que os teñen moi ben traballados, moi asimilados. Iso non se tocou. Se algo está moi ben para que tocalo? Pero hai outros conceptos que na miña opinión había que traballalos, que había que melloralos. E niso estamos".
Advirte que non haberá "un cambio radical" mañá sábado ás 12:00 na Cidade Deportiva do Granada CF (Dazn) pero "si imos ver certas cousas un pouco diferentes. As virtudes do equipo vanse a manter como estaban".
Nesas novidades apunta que "cambiamos a estrutura do balón parado e os perfilados... Hai un par de cousas máis que traballamos e esperemos que se note melloría o sábado".
Finalemente, do Granada CF, opina Fran Alonso que "é un equipo moi ben traballado, con moito xogo interior, combínanse ben, son xogadoras con experiencia, levan varios anos traballando xuntas, coñécense moi ben. Teñen un cadrado dentro que as fai moi perigosas, créanche superioridade. Traballamos como tentar contrarrestalo e esperemos que nos saia. Ante presión alta saben como xogar vertical, xogan moi ben as segundas xogadas. É algo que tentamos traballar e espero que non nos fagan dano".