Os futbolistas do RC Deportivo Helton Leite, Cristian Herrera, Oriana Altuve e Michi Apóstol, acompañados polo conselleiro Carlos Ballesta e representantes da Federación de Peñas como o seu presidente Luis Alberto Martínez, apadriñaron unha nova agrupación branquiazul, a Peña Deportivista Mar de Fora.
Sita na Asociación Veciñal Francisco Rodríguez Otero do barrio coruñés de Labañou, está presidida por Xosé Martínez.
Os xogadores pasaron un intre agradable con firma de autógrafos e fotografías cos asistentes ao acto, entre eles o popular artista coruñés, e profeso deportivista, Paco Lodeiro.
A Peña Deportivista Mar de Fora é a 4º agrupación inaugurada no que vai de temporada 2024-25 após a Irmandade Branquiazul, Karallada e Rubio.
