Iris Arnaiz Gil (Xixón, 18 de maio de 1994) renovou como xogadora do Deportivo ABANCA por unha campaña máis, até final do curso 2021-2022.
O pasado mes de decembro, a centrocampista asturiana asinara a súa vinculación co equipo branquiazul até a conclusión da Temporada 2020-2021, coa posibilidade de seguir un curso máis, até xuño de 2022.
Iris aterrou no Dépor ABANCA, procedente do Oviedo Moderno CF, no verán de 2017, polo que a próxima será a súa cuarta campaña nas filas deportivistas. Desde a súa chegada é unha peza indispensable para o técnico Manu Sánchez e mesmo alcanzou a capitanía, disputando até o momento 74 partidos nos que anotou 11 goles.
Eses 74 partidos (19 en Primera Iberdrola, 49 en Segunda División Nacional, 4 de promoción de ascenso a Primera Iberdrola e 2 de Copa da Raíña) converten a Iris na sexta xogadora con máis encontros oficiais coa camiseta branquiazul. Neste ranking, por diante da Iris unicamente atópanse Teresa Abelleira (92), Cris (85), Gaby (84), Peke (77) e Nuria (76).
