Ao finalizar a sesión desta tarde a porta pechada en ABANCA-RIAZOR, Juan Carlos Menudo recibiu a alta médica e entrou na lista de 23 convocados para medirse mañá sábado 18 de setembro ao CD Badajoz (19:00 horas, Footters). O choque corresponde á 4ª xornada en Primera RFEF.
Así pois, quedan fóra por lesión Jaime e Trilli, ambos hoxe cun adestramento específico fóra do grupo; e Valín, sen o visto e prace dos Servizos Médicos do Club aínda que de novo completou todo o traballo co resto dos seus compañeiros.
Yeremay, Noel e Alberto son a representación de #ANOSACANTEIRA nesta citación.
Na sesión de hoxe en ABANCA-RIAZOR, após un quecemento, Borja Jiménez dispuxo un partido a metade de campo, un exercicio táctico e un último repaso de accións a balón parado.
