O Real Club Deportivo completa a estrutura da secretaría técnica coa incorporación de dous novos profesionais.
Juan Giménez García (Moncofa, 13 de novembro de 1990), ocupará o posto de adxunto ao secretario técnico. Licenciado en Ciencias da Comunicación, é Técnico Superior en Fútbol nivel II pola Federación Valenciana de Fútbol. Os catro últimos anos formou parte da secretaría técnica e dirección deportiva da UE Cornellá, após ser adestrador e responsable de captación das categorías inferiores do conxunto verde.
Martín Castiñeira García (A Coruña, 29 de decembro de 1992), será o novo coordinador de captación de fútbol 11. Grao en Comunicación Audiovisual, é Técnico Superior en Fútbol nivel III pola Escola de Adestradores do Real Club Deportivo. No últimos sete anos foi ademais técnico en diferentes clubs do Fútbol Afeccionado Coruñés (Unión Sportiva, Santa María del Mar e Orillamar).
Deste xeito a secretaría técnica do Real Club Deportivo para a temporada 2021-2022 queda conformada por Carlos Rosende, Juan Giménez e Martín Castiñeira.
