Borja Jiménez citou esta mañá a 22 futbolistas para o debut ligueiro en Primera Federación desta tarde ante a Real Balompédica Linense ás 19:30 horas (TVG-2 e InStat.tv) en ABANCA-RIAZOR, en choque correspondente á 2ª xornada.
Será o primeiro partido oficial dos branquiazuis na liga após o adiamento do choque do pasado sábado ante o DUX correspondente á 1ª xornada; e ademais é a primeira vez na historia que ambos os equipos, Deportivo e Balompédica Linense, enfróntanse en competición, polo que esta tarde, nos prolegómenos do partido, o capitán do conxunto andaluz recibirá de mans do branquiazul un banderín oficial do RC Deportivo co obxecto de conmemorar esta efeméride.
Tal e como vaticinou onte Borja Jiménez, unicamente quedan fóra da convocatoria Max Svensson, que xa se adestrou onte no Estadio despois dunha longa viaxe desde Barcelona; e Pablo Martínez, que esta mañá mesmo incorporouse ao grupo e completou con normalidade toda a sesión.
A novidade na citación de hoxe é a presenza de Borja Granero, xa recuperado.
Esta mañá, o técnico deportivista citou aos seus futbolistas en ABANCA-RIAZOR para unha sesión de vídeo e un lixeiro adestramento de activación sobre o céspede do escenario do partido desta tarde. Iso si, Borja Jiménez aproveitou tamén a asollada mañá para dar un último repaso no campo a unha serie de conceptos tácticos e ás accións a balón parado. Todo iso por espazo dunha hora de duración.
