O Deportivo púxose en marcha esta mañá en Abegondo con só dous futbolistas, Krohn-Dehli e Edu Expósito, á marxe do grupo. Deles, o centrocampista catalán será baixa segura por sanción este domingo 31 de marzo no Estadio Carlos Tartiere de Oviedo (18:00 horas, Movistar Partidazo).
Así pois, Natxo González, á espera da alta médica de Carlos Fernández, recupera a día de hoxe, con toda a semana por diante, a practicamente todo o seu cadro para visitar ao conxunto carbayón.
Iso si, entre algodóns está Pablo Marí, que hoxe rebaixou a intensidade do adestramento debido a unhas molestias nos isquiotibiais da súa perna esquerda, pendente de evolución nos próximos días.
Esta mañá, na volta ao céspede tralo descanso de onte domingo, o técnico deportivista dispuxo un quecemento en 2 grupos, un exercicio de posesión e un partido con condicionantes tácticos, todo iso no campo 2.
Mañá martes, o equipo adestrarase de novo ás 11:00 horas en Abegondo.
